6 awgrym cartref o TikTok i roi cynnig arnyn nhw (neu ddim!)

Oes gennych bentwr o roliau toiled gwag yn creu llanast yn eich ystafell ymolchi? Mae rhai unigolion craff ar TikTok wedi dangos sut y gellir ychwanegu'r rhain at eich rheiliau llenni, gan wahanu'r pletiau er mwyn sicrhau eu bod yn hongian yn gyson, yn hytrach na wedi’u clystyru neu eu lledaenu – gan sicrhau ymddangosiad sy’n deilwng o fod ar Instagram.

A'r peth gorau yw, mae'r syniad hwn yn hawdd ac yn rhad ac am ddim i'w wneud, gan uwchraddio eich llenni presennol a defnyddio rhywbeth sydd gennych eisoes yn ôl pob tebyg. Felly, peidiwch â thaflu'r tiwbiau cardbord yn y bin ailgylchu, gallai fod yn werth rhoi cynnig ar y trend hwn. Mae hyd yn oed Mrs Hinch yn credu’n gryf yn yr awgrym clyfar hwn!

Delwedd o Good Housekeeping

Mae past dannedd yn un o hanfodion y cartref — mae’n rhad a bydd gennych rywfaint ohono yng nghwpwrdd eich ystafell ymolchi bob amser, gan olygu mai dyma’r adnodd gorau ar gyfer awgrym cartref. Yn ogystal â glanhau eich dannedd, gall fod yn ddefnyddiol iawn er mwyn helpu i osod dodrefn a phaentiadau yn gywir y wal.

Rhowch fymryn o bast dannedd ar y rhan o'r dodrefn neu'r llun y mae angen i chi ei roi yn gywir ar y wal, ac yna gosodwch y ffrâm yn erbyn y wal lle rydych am arddangos y llun. Pan fyddwch yn ei dynnu, byddwch yn gweld y bydd gweddillion past dannedd yn dangos yr union leoliad. Syniad cyflym a hawdd a fydd yn sicrhau na fyddwch yn morthwylio unrhyw dyllau ychwanegol.

Delwedd o Family Handy Man

Ydych chi’n ei chael hi’n anodd paentio ymylon yn llyfn ac yn methu â chael y canlyniadau rydych am eu cael gyda thâp masgio? Buddsoddwch mewn teclyn paentio ymylon i greu ymylon di-dor heb fod angen gwastraffu rholiau enfawr o dâp. Mae’r rhain yn weddol fforddiadwy, yn costio cyn lleied â £12.99, a allai fod yn arbediad o’i gymharu â thâp, gan fod modd ei olchi a’i ddefnyddio eto.

Dipiwch y teclyn yn eich paent a’i dynnu’n araf deg i lawr eich wal yn y gornel anodd. Bydd yn creu llinell lyfn, wastad yr holl ffordd i lawr, gan leddfu rhywfaint o'r drafferth o baentio. Dewis amgen, effeithiol a rhad sy'n arbed amser a gwastraff. 

Delwedd o The Spruce

Mae llawer o awgrymiadau ar gael i sicrhau bod eich cartref yn arogli'n ffres bob amser, ond mae rhai yn fwy peryglus nag eraill. Er enghraifft, gallai chwistrellu can o beraroglydd y tu mewn i reiddiaduron neu arnyn nhw swnio fel syniad da i wthio'r llwch allan, tra y bydd yr arogl ffres a glân yn aros.

Ond byddwch yn ofalus, mae hwn yn debygol o beri risg o dân, gan fod peraroglwyr yn fflamadwy dros ben, ac mae’r label ar y botel yn nodi’n glir y dylech eu cadw i ffwrdd o wres, arwynebau poeth, gwreichion, fflamau agored, sy’n berthnasol i reiddiaduron.

Er mwyn cadw'n ddiogel, dylech gadw at ddefnyddio dŵr sebon cynnes i lanhau rheiddiadur a defnyddio’r peraroglydd ar wahân.

Delwedd o The Radiator Company

Efallai mai paentio’r teils llawr yw'r ffordd rataf o ailaddurno heb fod angen trefnu bod crefftwr yn gwneud y gwaith. Fodd bynnag, gallai gwneud niwed i’ch lloriau.

Er y gall y canlyniad edrych yn bert, nid yw pob math o baent yn ddigon gwydn i ymdopi â’r ôl traul naturiol a achosir gan ddefnydd pob dydd.

Bydd hyn yn ei wneud yn glytiog ac yn naddu eich arwyneb o bosibl, a allai beri risg o faglu. Os caiff ei ddifrodi, mae’n bosibl y bydd yn rhaid i chi newid y llawr cyfan, a allai gostio miloedd o bunnoedd. Ystyriwch ddewis mwy diogel, fel teils tynnu a glynu, i newid sut olwg sydd ar eich lloriau yn gyflym ac yn hawdd.

Delwedd o Harvey maria

Does neb yn hoffi cawod sy’n llifo’n araf, a gyda chyllideb dynn, efallai y byddai'n demtasiwn rhoi cynnig ar rywfaint o waith plymio amatur i ddatrys y broblem, ond gallai'r awgrym penodol hwn achosi mwy o ddrwg nag o les.

Mae rhai unigolion ar TikTok wedi awgrymu tynnu’r falf cyfyngu llif plastig ar y pen cawod, ond gallai hyn fod yn gostus. I ddechrau, gallai sgriwio i mewn i’r pen cawod er mwyn tynnu’r falf cyfyngu llif achosi niwed i fecanwaith y gawod os bydd rhywbeth yn mynd o’i le. Mae’r falf cyfyngu llif hefyd yn lleihau cost biliau dŵr ac ynni felly, drwy dynnu’r falf cyfyngu llif, mae’n bosibl y gallai eich biliau codi’n syfrdanol ar adeg pan fo costau eisoes yn codi.

Yn lle hynny, byddai'n well cael gweithiwr proffesiynol a allai adeiladu pwmp cawod, neu fuddsoddi mewn dewis mwy diogel fel pen cawod pwysedd uchel, a all gostio cyn lleied â £10.99 a helpu i sicrhau llif dŵr da.

Delwedd o Kitchen Infinity