Faint sydd angen i mi ei gynilo?

Faint sydd angen i mi ei gynilo?

I ddechrau, mae'r rhan fwyaf o fenthycwyr yn gofyn am flaendal o 10%. Gall prynwyr tro cyntaf gael morgais gyda llai na hyn, ond gallai cynilo mwy rhoi hwb i chi fod yn fwy tebygol o gael eich derbyn ar gyfer morgais, neu eich helpu i gael cytundebau gwell.

Mae cael blaendal mwy yn golygu y gallwch wneud cais am forgeisi benthyciadau a gwerth (LTV) is. Fel arfer mae gan y morgeisi hyn gyfraddau llog is.

Felly po fwyaf yw eich blaendal, y mwyaf tebygol yw hi y byddwch yn gallu cael cytundebau morgais gyda chyfradd llog is.

Gallai cynilo am gyfnod hwy i gael blaendal mwy eich helpu i dalu llai tuag at gyfanswm gwerth eich morgais dros amser, o gymharu â'r hyn y byddech yn ei dalu ar gytundeb morgais gyda chyfradd llog uwch.

Faint ddylech chi ei gynilo?

Mae'r ateb yn dibynnu ar beth sy'n bwysig i chi. Efallai yr hoffech brynu eich cartref cyntaf cyn gynted â phosibl, neu efallai eich bod yn fodlon aros a chynilo am gyfnod hwy i gael cytundebau morgeisi gwell.

Bydd angen i chi hefyd gyllidebu ar gyfer costau eraill. Gallwch ddisgwyl talu pethau fel ffioedd cyfreithiol, trethi, ac arolygon.

Gall hyn i gyd eich llethu. Dyna pam rydym wedi creu'r ap Camau Cartref Cyntaf. Defnyddiwch yr ap i ddadansoddi'r holl gostau ychwanegol a chael eich cynllun cynilion personol.