Ein proses recriwtio

Pryd y caiff ceisiadau eu hadolygu?

Bydd y tîm recriwtio yn prosesu eich ceisiadau ar ôl y dyddiad cau, mae hyn er mwyn i bawb gael cyfle teg wrth wneud cais am rôl.

Rydym yn bwriadu adolygu ceisiadau o fewn 48 awr ar ôl i'r rôl gau ac i chi gael canlyniad eich cais yn fuan ar ôl hyn.

Sut y caiff ceisiadau eu hadolygu?
Bydd rheolwyr penodi yn adolygu pob cais yn seiliedig ar y meini prawf penodol a amlinellir ar yr hysbyseb a byddant yn llunio rhestr fer.

Beth fydd yn digwydd os na fyddaf yn cael cyfweliad?

Byddwch yn cael neges e-bost yn nodi canlyniad eich cais hyd yn oed os yw'n aflwyddiannus. Os nad ydych ar y rhestr fer ar gyfer rôl benodol, gallwch wneud cais am rolau eraill o hyd.

Mae gennym gronfa dalent, felly os na fyddwch yn cael y swydd y gwnaethoch gais amdani ond ein bod yn meddwl y gallech fod yn addas ar gyfer swyddi eraill, byddwn yn gofyn a hoffech ymuno â'n cronfa dalent.

Rydym eisiau i bawb deimlo eu bod yn ‘perthyn’ felly rhowch wybod i ni os oes angen i ni wneud unrhyw addasiadau.

Ble mae'r cyfweliadau?

Fel arfer, cynhelir cyfweliadau yn ein Prif Swyddfa neu'r gangen lle'r ydych wedi gwneud cais i weithio. Rydym hefyd yn cynnig cyfweliadau rhithwir.

Beth ddylid ei wisgo ar gyfer y cyfweliad?

Rydym yn argymell eich bod yn gwisgo dillad ‘trwsiadus anffurfiol’ ond gallwch fod yn hyblyg o ran sut mae hyn yn gweddu orau i chi.

Pwy sy'n cynnal y cyfweliad?

Yn y cyfweliad, byddwch yn cwrdd â'r rheolwr cyflogi ac aelod o'n tîm gyrfaoedd.

Beth yw'r broses gyfweld?

Bydd rhannau amrywiol i'r broses i bob rôl y byddwn yn recriwtio ar ei chyfer. Mae pob rôl yn ei gwneud yn ofynnol i ni gynnal cyfweliad ar sail cymhwysedd a gallai hefyd gynnwys:

• senario/chwarae rôl
• cyflwyniad
• trafodaeth â'r panel

Byddwch hefyd yn cael cyfle i ofyn cwestiynau i'ch cyfwelwyr am y rôl, y tîm a gweithio i Principality.

Fel arfer bydd un o'r rheolwr cyflogi yn cysylltu â chi unwaith y bydd penderfyniad wedi'i wneud.

• Os byddwch yn llwyddiannus, byddwch yn cael cynnig y rôl yn amodol ar basio ein camau gwirio cyn cyflogi. Ar y cam hwn, gallwch hefyd drafod cyflog, cyfnod rhybudd, ac unrhyw beth arall sy'n gysylltiedig â'r rôl.
   
• Os byddwch yn aflwyddiannus y tro hwn, byddwch yn gallu gwneud cais yn y dyfodol o hyd. Gallwch ofyn am adborth yn dilyn y cyfweliad. Rhoddir adborth drwy e-bost ac yna dros y ffôn pan fydd yn gyfleus i'r ymgeisydd.

Hawl i weithio

Bydd angen i chi ddarparu dogfennau hawl i weithio cyn y gallwch ddechrau gweithio i ni. Mae'r rhain yn ofynion cyfreithiol y mae angen i ni eu cael ar gofnod.

Prawf adnabod

Ar gyfer preswylwyr y DU a’r UE, bydd angen 3 math o fanylion adnabod arnom:

• Pasbort dilys neu dystysgrif geni wreiddiol (nid copi na'r fersiwn fer).
• Trwydded yrru gyfredol.
• Prawf o gyfeiriad, megis bil cyfleustodau (treth cyngor Nwy/Trydan/dŵr) neu gyfriflenni banc, dyddiedig o fewn y 3 mis diwethaf.
  
  

Gwiriad credyd

Fel busnes gwasanaethau ariannol, mae angen i ni gynnal gwiriad credyd ar bob ymgeisydd llwyddiannus. Byddwn yn cynnal gwiriad credyd ar bob ymgeisydd llwyddiannus gan ddefnyddio Experian. Bydd angen canlyniad boddhaol arnom er mwyn i'ch cynnig barhau.

Bydd y gwiriad credyd a gyflawnir yn wiriad credyd meddal ac ni fydd yn effeithio ar eich sgôr credyd.

Geirdaon cyflogaeth

Gofynnwn i chi ddarparu geirdaon cyflogaeth 3 blynedd. Ar gyfer rolau â chyfrifoldeb rheoleiddio, mae angen hyd at 6 blynedd o eirdaon cyflogaeth arnom.

Os oes gennych unrhyw gwestiwn am eich camau gwirio cyn cyflogi, e-bostiwch: sharedmailbox.peopleservices@principality.co.uk