Faint y gallaf ei fenthyca ar gyfer morgais?

Deall eich pŵer benthyca

Cyn i chi gwympo mewn cariad ag eiddo, mae'n ddefnyddiol gwybod beth allech chi ei fforddio. I ddechrau, rhaid deall faint y gallai benthyciwr morgais ei gynnig i chi, Mae gwybod eich pŵer benthyca yn eich help i wneud y canlynol:

• Gosod nod cynilo realistig ar gyfer eich blaendal.
• Deall eich ystod prisiau bosibl.
• Chwilio'n graff; edrych ar gartrefi o fewn eich cyllideb.

Beth sy'n effeithio ar faint allwch chi ei fenthyg?

Mae benthycwyr morgeisi yn ystyried ychydig o bethau i benderfynu faint maent yn fodlon ei fenthyca i chi. Pethau fel:

• Eich incwm. Neu eich incwm cyfunol os ydych yn prynu gyda rhywun arall
   
• Eich gwariant rheolaidd. Pethau fel costau gofal plant, taliadau cerdyn credyd, neu ad-daliadau benthyciadau.
   
• Maint eich blaendal. Po fwyaf yw eich blaendal, yr isaf yw eich Benthyciad mewn Cymhariaeth â Gwerth (LTV). A gorau oll fydd eich siawns o gael cyfradd fwy cystadleuol gan eich benthyciwr.
• Eich sgôr credyd. Gall gynnal sgôr credyd iach roi sicrwydd i fenthycwyr eich bod yn gyfrifol yn ariannol.

Cyfrifo beth y gallech ei fforddio

Nid oes angen cyfrifiannell morgeisi ffansi arnoch i gael syniad o'ch ystod prisiau. Gofynnwch i chi'ch hun:

• Faint y gallaf ei gynilo ar gyfer blaendal?
• Pa ad-daliadau misol fyddwn i'n teimlo'n gyfforddus â nhw?
• Pa gytundebau morgais sydd ar gael i mi?

Gall ein chwiliwr morgeisi eich helpu i weld pa gytundebau y gallech wneud cais amdanynt gyda Principality. Nodwch werth yr eiddo a swm eich blaendal i bori ein morgeisi preswyl.

Cyfrifo beth y gallech ei fforddio: enghraifft

Mae Max a Jaime yn brynwyr tro cyntaf, ac yn ennill £28,000 a £30,000 y flwyddyn.

Nid oes ganddynt unrhyw ddyledion mawr.

• Yn seiliedig ar eu hincwm cyfunol o £58,000, efallai y gallant fenthyca tua £250,000.
• Gyda blaendal o £15,000, gallant edrych ar gartrefi gwerth tua £265,000.

Amcangyfrif yw hwn yn unig. Gallai Penderfyniad o ran Egwyddor (DIP) roi syniad well i chi o beth y gallwch ei fenthyca yn seiliedig ar eich sefyllfa ariannol.