Rhentu'ch eiddo

Cydsyniad i osod

Cydsyniad i osod yw pan fyddwch yn gofyn i'ch benthyciwr am ei ganiatâd i rentu'ch cartref dros dro wrth barhau i dalu morgais preswyl. Fel arfer, mae cydsyniad i osod am gyfnod byr. Os hoffech rentu'ch cartref am gyfnod hirach, bydd angen i chi wneud cais am forgais prynu i osod.

Stori Emily

Mae Emily yn berchen ar dŷ teras gyda 2 ystafell wely. Mae ganddi gynnyrch morgais sefydlog tan 2031. Mae hi wedi penderfynu ei bod am deithio i Dde America am 9 mis, ond mae angen iddi rentu ei chartref i dalu'r morgais tra bydd hi'n teithio.
 
Mae Emily yn sgwrsio â Ben, un o'r ymgynghorwyr morgeisi yn Principality. Mae Ben yn egluro y gallai hi rentu ei chartref am gyfnod byr o dan cydsyniad i osod. Mae Emily yn bodloni'r holl feini prawf cymhwysedd, felly gall ddilyn y broses gywir ar gyfer rhentu ei chartref ac wedyn teithio.

Mae'n dychwelyd 9 mis yn ddiweddarach, gan roi gwybod i Principality ei bod wedi dychwelyd ac yn darparu bil treth gyngor wedi'i ddiweddaru. Wedyn, mae'n parhau â'i morgais preswyl fel arfer.

Enghraifft yn unig yw'r stori hon ac efallai na fydd yn berthnasol i bob sefyllfa unigol. Ffoniwch ni am sgwrs i weld a yw cydsyniad i osod yn addas i chi.

Cymhwysedd ar gyfer cydsyniad i osod

I wneud cais am gydsyniad i osod, bydd angen y canlynol arnoch:

• Cytundeb tenantiaeth; contract rhyngoch chi a'ch tenantiaid neu ddeiliaid contract:
  •  Tenantiaeth Sicr (AT) yw hwn yn Lloegr
  • Contract Meddiannaeth yw hwn yng Nghymru
• Cynllun i rentu eich cartref dros dro.
• O leiaf chwe mis o daliadau ar eich morgais preswyl (nid yw hyn yn berthnasol os ydych chi'n aelod o Lluoedd Arfog Prydain neu'n Glerig).
• Deall eich cyfrifoldebau fel landlord.

Ffioedd a thaliadau

Tra byddwch yn rhentu'ch cartref, byddwn yn ychwanegu 1% i gyfradd llog eich morgais cyfredol - oni bai eich bod yn aelod o'r Lluoedd Arfog Prydain neu'n Glerig. 
 

Byddwn yn cysylltu â chi os bydd unrhyw newidiadau i'r gyfradd llog ychwanegol neu ein tariff taliadau.

Dod â chydsyniad i osod i ben

Er mwyn dod â'ch cytundeb gosod i ben, dylech anfon copi o'ch bil y dreth gyngor yn dangos bod yr eiddo wedi'i newid yn ôl i enw deiliad y morgais. Unwaith y byddwn yn cael hyn, gallwn ddiweddaru eich manylion.

Ystyriaethau eraill

Talu Treth

Bydd angen i chi dalu treth ar unrhyw elw rydych yn ei wneud o rentu'ch cartref. Gallai hyn gynyddu eich incwm trethadwy ac efallai y byddwch yn symud i fand treth uwch. I gael rhagor o fanylion, ewch i Gov.UK neu siaradwch ag ymgynghorydd treth annibynnol.

Newidiadau i'ch morgais

Unwaith y bydd eich eiddo'n cael ei rentu, ni fyddwch yn gallu gwneud y canlynol: 

• Newid cytundeb eich morgais
• Gwneud cais i fenthyca mwy (ac eithrio ar gyfer gwelliannau neu atgyweiriadau o bosibl) 
• Cwblhau newid i'r cyfnod
• Ychwanegu neu ddileu benthyciwr

Yswiriant cartref

Bydd angen i chi ddweud wrth ddarparwr eich yswiriant cartref eich bod yn rhentu'ch cartref. Efallai y bydd angen i chi newid eich yswiriant er mwyn sicrhau eich bod wedi'ch yswirio'n llawn i rentu'ch eiddo.