Gwybodaeth a pholisïau cyflenwyr

Prynu nwyddau/gwasanaethau

Pan fyddwn yn eich sefydlu fel cyflenwr, bydd angen copi swyddogol o fanylion eich cwmni arnom. Bydd hyn yn ein galluogi i’ch talu gan ddefnyddio ein dull BACS. Rydym yn gwneud taliadau diddadl o fewn 30 diwrnod.

Byddwn naill ai'n rhoi archeb brynu neu gontract ysgrifenedig pan fyddwch yn cyflenwi nwyddau neu wasanaethau.

Archebion prynu 

Pan fyddwn yn rhoi archeb brynu, bydd y trafodiad yn cael ei rwymo gan delerau ac amodau ein harcheb brynu. Ni fydd y telerau a'r amodau yn berthnasol os ydym wedi llunio cytundeb gwahanol gyda chi.

Telerau ac amodau archeb brynu

Rydym yn defnyddio system prynu i dalu (P2P) sy'n ein galluogi i godi archebion prynu cyn i nwyddau gael eu danfon neu wasanaethau gael eu darparu. Dim ond pan fyddwn wedi darparu archeb brynu i chi y dylech ddechrau gweithio. Os na fyddwch yn cynnwys archeb brynu ar eich anfoneb, bydd yn cael ei ddychwelyd atoch heb ei thalu.

Contractau ysgrifenedig 

Efallai y byddwn yn trefnu contract ysgrifenedig gyda chi i reoli ein perthynas. Efallai y byddwn yn dal i godi archebion prynu yn unol â'n cytundeb.

Sicrwydd cyflenwyr 

Cyn ymrwymo i berthynas â thrydydd parti, mae'n rhaid i ni gynnal diwydrwydd dyladwy priodol. Bydd lefel yr ymgysylltiad yn dibynnu ar y cynhyrchion/gwasanaethau rydych chi'n eu darparu.

Rydym yn aelod o Hellios FSQS, cymuned o fanciau a chymdeithasau adeiladu, sydd gyda'i gilydd yn diffinio'r set o gwestiynau diwydrwydd dyladwy sy'n ein helpu i barhau i gydymffurfio â rheoliadau'r Gwasanaethau Ariannol. Rydym yn disgwyl i bob cyflenwr newydd weithio gyda ni drwy gynllun Hellios FSQS.